قافله‌ی قرار و تاب

گنه بو قافله کیمدور قرار و تاب آپارور 

 بو قدر بار و بنه خیمه و طناب آپارور

آلوب آرایه جوانلار امیر قافله‌نی

نه حکم ایدور، هامی اجراسینه شتاب آپارور

چخوبدی کعبه‌دن عزم ایلیور عراقه طرف

خطر لیور سفری مشک لرده آب آپارور

حسینه اوخشاری وار حشمت و جلالیندن

کی بیر دوه یوکی تک عطریلن گلاب آپارور

گوروب حقیقتی یوخدور او ایلچی حجاجین

هاموسیدامن احرامیده عذاب آپارور

بیر عده باغلیوب احرامون آلتنا شمشیر

گلاب شیشه سینه دولدوروب شراب آپارور

به احترام حرم یوز قویوب بیابانه

صفای کعبه‌نی اول شاه مستطاب آپارور

منای کعبه ده ذبح اتمیوب فدالرینی

منای عشقه طرف دلده اضطراب آپارور

گیدور منایه گدن جمله اوز ایاقیلن

آلوب قوجاقینه اما بیرین رباب آپارور

علی اصغره لای لای دیور رباب آناسی

نه نازیلن او گوزل طفلی پر شتاب آپارور