آق داغ
سه شنبه, ۱۰ ارديبهشت ۱۳۸۷، ۰۳:۰۶ ق.ظ
آرزیم، دیلگیم، ایسته دیگیم، تک بودو تاری
بیر گون اولا دوشسون گــذریم آق داغا ساری
بیر سیر ائلیه‌م بوسه ائده‌م گول چیچکیندن
بلکه اوره‌گیم حس ائلـــــــــــیه اوردا بهاری
بیر گون درم ای کاش گوبه‌لک باش‌یاتاغیندان
یایلاق دا گزیب، صرف ائدم آق‌داغ‌دا ناهاری
آق‌داغ دایاغیمسان، اوپــــــه‌رم ذیروه‌لریندن
داغلار چکیلیب سینه‌مه‌چون، یوخدو شماری
کونلوم قوشو وورغوندو گوزل اولکه‌مه چونکی
"دریایه باخــــــــار بللی دی چایلارین آخاری"*
بیر دوستاقا دوشموش طوطیام، اوزگه دیاردا
خوش حالوزه داغلار کی داغین یوخدو حصاری
نسرین گه سوروش، آرزیلاما آقداغا گئتمک
چون غم یوکو قویمورگئده سن دوزده هاماری
* این بیت از مرحوم استاد شهریار است
